Siunissami aningaasat
Danmarkimi aamma Kalaallit Nunaanni aningaasanik tigummiaqarnissaq pisariaqartinneqarpoq – aamma siunissami. Aningaasanik pappialanik nutaanik peqalertussaavugut, 2028-2029-miit naatsorsuutigineqarluni, aammalu maannakkut 1000-koruuni pappialaq aammalu aningaasat pappialat pisoqqat arlallit 31. maj 2025 kingorna atorunnaartussaapput. Suut allannguutaasussaanersut paasisaqarfigiuk.
Kalaallisut paasissutissiineq
Siunissami aningaasat pillugit paasissutissat pingaarnerpaat – aningaasanut pappialanut, atorunnaartussanut, takussutissiaq ilanngullugu – kalaallisut saqqummersitaaqqami pappialanngortinneqarsinnaasumi ataatsimoortinneqarput.
Aningaasat pappialat suut atorsinnaajunnaassappat?
Aningaasat pappialat, aningaasanit tulleriiaanit maannakkut ikaartarfittalinnit itsarsuarnisartalinniillu pisoqaanerusuneersut, tamarmik (tulleriiaat 2009-meersut), 31. maj 2025 kingorna atorunnaassapput. Tamanna aamma 1000 koruunimut pappialamut maannakkut aningaasani tulleriiaaniittumut atuuppoq. Uani aningaasat pappialat atorunnaartussat tamaasa takusinnaavatit, aammalu illit ilaannik tigummiaqarnerlutit misissorsinnaallugu. Imaluunniit aningaasat pappialat suli atuutiinnartussat takusinnaallugit.
Aningaasanut pappialanut nutaanut sunniuteqarit
Danmarki 2028-2029-mi nutaanik pappialanik aningaasaqalissaaq. Aningaasat pappialat qulequtassai sammisassallu pillugit apeqqutinut akisassanut immersugassaq atorlugu misissuinitsinni peqataagit aammalu Danmarkip aningaasartaassaannut pappialanut sunneeqataallutit.
Peqquserlunniartartut mianersorfigikkit
Peqquserlunniartartut innuttaasut pisuussuteqanngitsut salloqittaarinissaannut imaluunniit allat aningaasanik ikisitinniarsarinissaannut imminnullu akiliutigitinniarsarinissaannut, allanngortitsinerpassuit taakkua aningaasanut tunngatillugu pisussat atornerlussinnaavaat. Takuuk suut eqqumaffigissaneritit. Paasissutissat danskisut pissarsiarineqarsinnaapput.
Suut, qaqugu aamma sooq?
Aningaasat pappialat pisoqaanerusut aamma 31. maj 2025 kingorna atorunnaartussat tunngavigisai ilisimanerulikkit. Paasissutissat danskisut pissarsiarineqarsinnaapput.
Siunissami aningaasat minutsini marlunni
Aningaasat pappialat nutaat atulertussaanersut, aningaasat pappialat suut atorunnaartussaanersut, aammalu suut suli 31. maj 2025 kingorna atuutiinnartussaanersut pillugit aalasuliaq naatsoq takuuk. Aalasuliaq danskisuujuvoq, kisianni kalaallisut allagartalersugaalluni.
Apeqqutigineqarnerpaasartut
Apeqqutinut aningaasat pappialat pisoqaanerusut aammalu maannakkut 1000-koruunip pappialap 31. maj 2025 kingorna atorunnaarnissaannut atatillugu tigunerpaasartakkatsinnut akissutit uani takusinnaavatit. Apeqqutit akissutillu dankisut takuneqarsinnaapput.